Vetëdorëzohet në drejtorinë e policisë së Vlores Skerdian Gabrani, i cili është një nga të dyshuarit e vrasjes së ndodhur në datën 3 Mars të këtij viti në rrugën transballkanike.
Gabrani ka qëndruar i fshehur në qytetin e Vlorës dhe në gjatë shioqërimit ai ka qenë shumë i tronditur për ngjarjen ku ka pasur momente që në sytë e tij ka pasur lot.
Në përplasjen me armë të datës 3 mars 2021 në rrugën “Transballkanike” në Vlorë, rezultoi se të dyja palët ishin të pajisura me armë zjarri, dhe dukshëm ishin përgatitur, për një sulm të tillë që përfundoi me një viktimë.
Atentati ku mbeti i vrarë Taulant Manaj në Vlorë dyshohet se ka ndodhur për shkak të një konflikti për rreth 20 mijë euro.
Viktima që njihej edhe me mbiemrin Beqiri dyshohet se kishte detyrim financiar, ndaj palës tjetër lidhur me shitjen e një automjeti tip “Benz-Mercedez”, për të cilin refuzonte të dorëzonte pagesën.
Në pamjet filmike që ka sekuestruar policia, rezulton se pas të shtënave me automatik, të dyja palët janë larguar me shpejtësi me qëllim për të mos u kapur nga policia.
Ndërkohë në vendin e ngjarjes viktimës Taulant Manaj, iu sekuestrua në brez një armë zjarri pistoletë të cilën nuk mundi ta përdorë dhe 4 aparate telefonike, që tashmë janë dërguar për ekspertim.
