Policia maqedonase ka arrestuar 3 shtetas shqiptarë, pasi tentuan të trafikonin drejt Greqisë 65 kg marijuanë me vlerë 200 mijë euro.
Mësohet se të arrestuarit janë K.K 25 vjeç, M.F 28 vjeç dhe F.B 42 vjeç, të gjithë nga Shqipëria.
Burimet bëjnë me dije se ndalimi i tyre u bë dje në rrugën rajonale nga Trpejca në Stenje, përmes Parkut Kombëtar Galicica.
Policia ndaloi dy automjete pasagjerësh, tip “Mercedes”, me targa shqiptare, të cilat morën pjesë në transportin e drogës.
Gjatë kontrollit të automjeteve, njëra prej të cilave drejtohej nga K.K, dhe pasagjer ishte M.F., dhe e dyta nga F.B, u gjetën dhe u konfiskuan 3 thasë të mëdhenj marijuane, të paketuara në 44 pako.
Shtetasit shqiptarë u ndaluan, dhe me udhëzimin e Prokurorit Publik në Resnjë, droga u dorëzua për ekspertizë, dhe u përcaktua se ishte një total prej 65 kilogramë marijuanë, dhe akuzat penale do të të ngrihet kundër tre personave.
Ministria Brendshme maqedonase duke komentuar operacionin thotë se ndërpreu një kanal ndërkombëtar për transportin e drogave narkotike nga Shqipëria përmes Maqedonisë që do të përfundonte në Greqi.
