Policia e Poliçanit, ka arrestuar ditën e sotme 3 persona, pasi dyshohet se janë autorë të tentativës për kultivim kanabis, ndërsa është sekuestruar dhe një armë zjarri pushkë.
Burimet policore bëjnë me dije se janë arrestuar në flagrancë shtetasit, Selami Hadëri, 47 vjeç, dhe Ylber Hadëri 38 vjeç, banues në fshatin Braçë, pasi në tokat në pronësi të tyre u gjetën kubikë në të cilët ishin kultivuar fara të dyshuara cannabis sativa.
Gjithashtu është arrestuar shtetasi Shpëtim Bregu, 40 vjeç, banues në fshatin Tomorr, Poliçan, pasi në një miniserë në ambientet e banesës së tij u gjetën kubikë në të cilët ishin kultivuar fara të dyshuara cannabis sativa.
Mësohet se Policia ka proceduar penalisht edhe kryeplakun e fshatit, shtetasin A. R., 35 vjeç, pasi dyshohet se ka konsumuar elementë të veprës penale “Shpërdorim detyre”.
Gjithashtu, mësohet se gjatë kontrollit të banesës u gjet dhe u sekuestrua dhe një armë zjarri pushkë.
