Ngjarja makabër në Korçë ku babai mbyti me tel dy fëmijët 4 dhe 6 vjeç si dhe më pas vrau veten tronditi gjithë opinionin publik.
Ku të gjithë u munduar të nxirrnin fajtorët e kësaj ngjarje. E jo të paktë kanë qenë ata që kanë gjykuar rëndë Marsela Toshin, nënën e fëmijëve e cila ishte larguar nga shtëpia për të punuar në një lokal nate. Vetë babai i Maresla Toshit, Astrit Behari nuk ia fal së bijës atë që u ndodhi fëmijëve të vegjël.
Për fundin makabër të dy nipërve të tij 4 dhe 7 vjeç, të cilët u mbytën me tel nga babai i tyre, Naim Toshi, fajëson vajzën e tij, Marselën, duke thënë edhe se e ka bërë hasha. 65¬vjeçari nga fshati Kraps i Fierit dje deklaroi se të bijën e ka bërë hasha dhe se nuk do ta shikojë me sy sa të ketë jetë. Ai tha se nuk u ka besuar veshëve kur ka dëgjuar lajmin në televizor për vdekjen tragjike të dy fëmijëve. Astrit Behari, babai i Marselës, e ka dënuar ashpër veprimin e së bijës dhe është shprehur se dera e tij nuk hapet më për të. “Jam tmerruar kur kam dëgjuar që nipërit s’jetonin më se ishin mbytur. Le të merrnin rrugët vajza dhe dhëndri, por me ata të pafajshëm ç’patën? Të dy bënë krim, Zoti mos ua faltë atë që kanë bërë. Ata vetëm grindje kishin me njëri¬ tjetrin. Na e kishin nxirë jetën. Ajo ishte e martuar edhe një herë më parë dhe kishte djalin e madh”¬ thotë i ati. Më tej, ai shton se ajo u nda nga ai, sepse edhe me atë grindej. “Ajo nuk është e pafaj sepse nuk pyeste për asgjë, as për burrin. Le të mos martohej kur donte të ishte e lirë, Ia kam thënë, por s’dëgjonte. U kërkova krushqisë të më hapnin derën e shtëpisë sepse doja të shkoja dhe t’i përcillja nipërit e mi. Ua thashë edhe atyre, nëse deri dje ajo ishte vajza ime, sot e kam bërë hasha. Nuk dua ta shikoj më me sy”¬ thotë ai. Sipas babait, dera e tij u mbyll për të. “Ajo shkatërroi çdo gjë, mori në qafë dy fëmijë. Ime bijë të bëjë ç’të dojë, kjo derë iu mbyll, por edhe unë s’ia hap më!”, është shprehur dje në ceremoni babai i 24¬ vjeçares.
