Policia e Shkodrës njoftoi sot se ka shpallur në kërkim Ibrahim Licin, si personin kryesor të dyshuar për vrasjen e 32-vjeçarit, Endri Mustafa, i cili u gjend i ekzekutuar me 7 plumba në zonën e njohur si livadhet në Shkodër.
Por bashkëshortja e viktimës, Ingrid Mustafa, rrëzon pistën e policisë, lidhur me shpalljen në kërkim të Ibrahim Licit.
Ajo është shprehur se me familjen e Licëve nuk kanë pasur kurrë probleme, duke shtuar se është 100% e sigurt se nuk i ka ardhur vrasja e bashkëshortit nga fisi i Licëve.
Teksa pranon se Endri ishte edhe vetë i shpallur në kërkim policor, dhe ishte kthyer pranë familjes në ditën e Bajramit, ajo thotë se ai ishte shumë i kujdesshëm dhe nuk i besonte askujt, prandaj edhe dalja e tij në pritë është kryer nga një i njohur.
Reagimi i Ingrid Mustafa, bashkëshortja e Endri Mustafës:
Nuk kemi patur kurre asnje problem me familjen Lici. Burri im ka qene shok me djemte e tij. Une e kam thene edhe ne polici se Ibrahim Lici nuk ka lidhje me vrasjen dhe habitem si e kane nxjerre sepse nuk ka asnje lidhje dhe jemi 100% te sigurte se nuk ka ndodhur nga Ibrahimi.
I kemi komshi dhe nuk kemi patur kurre asnje problem me ata. Ate nate ne 10 te darkes Endri kerkoi te dilte nga banesa dhe me tha me jep nje xhakovento dhe me tha po shkoj deri ne livade dhe po vij per 10 minuta, nuk po vonoj tha. Une i thashe te lutem mos del se eshte nate por me tha nuk vonoj dhe vij menjehere. Doli me kete djalin komshi 15 vjeçin, ai po e kerkonte qe nga mesdita.
I kishte bere disa muhabete 15 vjeçari por nga qe ishte ne ate moshe nuk ia kemi vene veshin dhe i thash mos u merr me te sepse e njihnim çfare femije eshte dhe se me ke merrej ai. Burri e anashkaloi ate dhe iku ne 10 te darkes dhe nuk u kthye me. Nuk me ka thene se as se per çfare po shkonte dhe as se çfare do bente. Nuk e di arsyen e vrasjes sepse Endri nuk ka patur asnje konflikt me askend dhe nuk i ka bere askujt keq. As nuk ka patur kercenime dhe as nuk ka kercenuar kend.
Ai 15 vjeçi erdhi per qejf dhe kaq sepse Endri nuk ka dale jashte sepse nuk kishte besim tek askush. 15 vjeci i ka thene burrit qe nuk po te shkruaj mesazhe por dije qe kur te dergoj nje fotografi te nje kali dil jashte. Nje djale 15 vjeç te shprehet ashtu se di, dikush eshte pas tij sepse nuk kemi patur konflikt as me te. Qe kjo ka lidhje me Lict nuk eshte e vertete dhe une e kam deklaruar edhe ne polici sepse kemi shkuar shume mire.
