Policia e Shkodrës ka ndaluar dy persona lidhur me vrasjen e 32-vjeçarit Endri Mustafa.
Nga raportimet mësohet se të ndaluarit dyshohet se kanë dijeni apo janë të përfshirë në vrasjen e 32-vjeçarit, trupi i të cilit u gjet mëngjesin e djeshëm në zonën e Livadheve.
Gjatë ditës se djeshme në policinë e Shkodrës po ashtu, janë shoqëruar 8 persona të cilët dyshohet se kishin dijeni për këtë ngjarje të rëndë ndërkohë që pas disa orësh hetime policia ka ndaluar dy prej tyre.
Endri Mustafa u ekzekutua me 7 plumba, njëri prej të cilëve në gojë, 3 plumba në kokë dhe 3 të tjera në gjoks. Gjithashtu në vendin e ngjarjes u gjet edhe një pistoletë, e cila mendohet se është arma e krimit.
