Reperët e famshëm, Mozzik dhe Loredana janë bërë prindër për herë të dytë!
Vetëm pak orë më parë, reperja ka publikuar një foto me foshnjën në krahë, të cilën e ka bashkëngjitur me një emoji me dy fëmijë duke lënë të kuptohet se familja e tyre është shtuar me një anëtar të ri. Të njëjtin imazh e ka ndarë edhe këngëtari Mozzik në rrjetin e tij social “Instagram”, duke konfirmuar kështu lajmin e ëmbël.
Loredana ka zbuluar edhe gjininë e bebit dhe mund të thuhet se Hana tanimë është bërë me një vëllaçko të vogël.
Kjo i habiti të gjithë pasi Loredana asnjëherë nuk e konfirmoi një shtatzëni të mundshme. Menjëherë u ngritën dyshimet për këtë lajm, por në foto vihet re qartë se reperja është në shtratin e spitalit dhe për më tepër ka look-un me të cilin e kemi parë kohët e fundit.
Çifti ka dhe një vajzë të quajtur Hana, e cila ka mbushur plot 3 vite në dhjetor të vitit të kaluar.
