Ish-kryeministri, Sali Berisha, përmes një postimi në faqen e tij zyrtare në Fb, ka publikuar një mesazh të një qytetari dixhital i cili denoncon një krim mjedisor në Vlorë.
Ai shkruan:
“Përshëndetje Doktor. Dua të denoncoj një babëzi që nuk njeh kufij për shkak të mbështetjes politike. Në fshatin Gjorm të Vlorës po bëhet një krim mjedisor e duke u kthyer në një lufte të vërtetë midis njerëzve të drejtë me ata që nuk njohën kufij për shkak të mbështetjes politikës.
Me mbështetjen e deputetit Vullnet Sina dhe nje Vullnet Bilbili drejtori postës Vlorë i afermi tyre Kadri Zoto, pa pyetur për shtet, për ligje e për pronarë të tokës e kullotës, ka kthyer malin e gjormit deri në afërsi të Fshatit Lepenicë e matanë malit në gurore, pa asnjë leje shfrytëzimi dhe duke shfarrosur me mijëra hektarë lisa e lëndë të tjera drusore në një krim mjedisor të pa kufijë. Mjetet e rënda punojnë ditë e natë dhe asnjë organ nuk merr masa, qoftë nga pushteti vendor, qoftë dhe nga ai ligjor. Dhe më e keqja është se neve si pronarë nuk ankohemi dot se po e morën vesh kush është ankuar ditën tjetër nuk e shikon më diellin kur lind. Ju lutem bëjeni publike mbase merret ndonjë masë nga autoritetet nga Tirana se këtej nuk veprojnë e do arrijmë deri në vrasje me njëri tjetrin. dhe anonim të lutem. Me shumë respekt.”
“Krim i shëmtuar mjedisor në Malin e Gjormit nga narkozyrtarët! Lexoni mesazhin e qytetarit dixhital! Sb.”, shkruan Berisha, në postimin e publikuar.
