Edi Martini, si zakonisht u shfaq për të folur në lidhjen direkte me emisionin “Gol pas Goli” pas duelit me Partizanin. Shkodrani, për kamerat e Supersport deklaroi: “Po bënim super ndeshje në pjesën e parë, kishim rastet tona dhe nuk e lamë Partizani.
Gaboi portieri, që na ka nderuar shumë herë. Goli na stepi, nisëm të rrezikonim dhe lamë hapësira. Edhe në pjesën e dytë patëm raste shënimi dhe më vjen keq që humbëm”.
“Ne nuk kemi pritur asnjë kundërshtar, djemtë ishin të karikuar. Dhanë maksimumin, por ky është futbolli. Nëse nuk shënonin atë gol, atëherë do të flisnim ndryshe. Normalisht tani nuk varet nga ne titulli, e kanë ekipet e tjera në dorë. Nuk ka ndeshje të lehta, çdo ndeshje është e paparashikueshme”.
“Në pushim të ndeshjes u thashë djemve që një gol na duhej të vazhdonim objektivin. Këto ndeshje është e vështirë t’i mbash nervat”, tha në vijim trajneri shkodran i Teutës. “Ju thoni që Bregu bën diferencën, por e bën edhe Vila i vogël. Me golin kemi pasur probleme edhe herë të tjera. Kemi edhe dy ndeshje, duhet të jemi të përqendruar te ndeshja jonë”. /abcnews.al
