Kryeprokurori Olsian Çela ishte sot në Fier, ku ka zhvilluar një takim me trupën e prokurorëve, lidhur me hetimet mbi krimet zgjedhore, pastrimin e parave, luftën ndaj korrupsionit dhe krimit të organizuar.
Përtej deklaratave publike, mbi atë se çfarë pritet lidhur me hetimet, veçanërisht ato të lidhura me pastrimin e parave dhe krimeve zgjedhore, Çela u përball me disa qytetarë, që duket se nuk gjejnë asnjë zgjidhje në dyert e prokurorisë së Fierit, apo në sistemin e drejtësisë.
Pamjet e mëposhtme tregojnë momentet kur Çelës sapo zbret nga automjeti i dalin përpara disa qytetarë me dokumente në duar që i ankohen.
Kryeprokurori nuk ka reaguar, por ndoshta pritshmëritë që ai ka krijuar për shkak edhe të deklaratave publike, apo asaj reformës në drejtësi, janë të larta, ndërsa qytetarët vijojnë ndoshta të përballen me burokracitë.
