Këngëtari i njohur Nick Jonas është shtruar në spital pasi pësoi një dëmtim gjatë xhirimeve të shtunën në mbrëmje. TMZ raporton se 28-vjeçari u dërgua me urgjencë pas incidentit, por tani po rikuperohet në shtëpi. Incidenti ka ndodhur në sheshin e xhirimit.
Nick aktualisht është në Los Angeles ndërsa gruaja e tij, aktorja Priyanka Chopra ndodhet në Londër. Ajo ka qenë atje që nga fundi i vitit të kaluar për xhirimin e disa projekteve. Ndërkohë, Nick ka qenë duke punuar për “The Voice” dhe albumin e tij, Spaceman.
Përveç The Voice, Jonas është angazhuar me gruan e tij për të mbledhur fonde për Indinë, e cila është në mes të një vale vdekjeprurëse të pandemisë. Më 12 maj, Jonas dhe Chopra njoftuan se arritën qëllimin e tyre prej 1 milion dollarësh për të ndihmuar në luftën kundër virusit.
