Janë publikuar pamje nga vengjarja ku është gjetur i pajetë trupi i 32 vjeçarit në Shkodër i cili ishte zhdukur që prej ditësh.
Viktima është shtetasi Endri Mustafa, një person me precedent të mëparshëm penal, i arrestuar në vitin 2020 për fajde, si dhe i dënuar për plagosje.
Burime bëjnë me dije se 32-vjeçari rezultonte i zhdukur prej tre ditësh dhe më pas kanë qenë familjarët ata të cilët kanë bërë denoncimin në polici.
Në vitin 2016 Mustafa u arresrua me 3 shtetas të tjerë si autorë të veprave penale “Vjedhje me armë”, “Plagosje e lehtë me dashje”, “Prodhim dhe mbajtje pa leje të armëve e municioneve lufatrake” kryer në bashkëpunim, ndaj shtetasve me iniciale E.Gj dhe G.M.
Në bazë të të dhënave të siguruara për rrethanat e ngjarjes, dyshohet se kjo mund të jetë një larje hesapesh mes bandave kriminale që veprojnë në këtë zonë.
Nga raportimet mësohet se tre ditë më parë, Mustafa mori dy mesazhe në celular për të dalë jashtë shtëpisë.
Dyshohet se ai nuk ka qenë me automjet, por vetëm. Ka qenë nëna e tij që ka bërë denoncimin për zhdukjen në polici.
