Kreu i Këshillit Kombëtar të PD-së, Bujar Nishani ka mbajtur fjalën e tij në takimin e sotëm. Nishani është shprehur se dorëheqja e Bashës nga kryetar i PD-së nuk është zgjidhja e vetme.
Sipas tij, duhet ngritur një komision real për të bërë analizën në çdo degë.
Nishani ka folur edhe për komisionin që përzgjodhi disa nga kandidatët për deputetë.
‘Z.Basha jep dorëheqjen e parevokueshme nga drejtimi i Partisë përpara se të shpallësh zgjedhje për kryetar partie.
Por a është kjo zgjidhja e vetme? Padyshim që jo. Duhet ngritur një komision real për analizë kudo nëpër degë e statut të ri, për të krijuar këshill përsëri, senat, referendum.
Komisioni mund të ketë marrë vendime të gabuara, por është e pamoralshme t’u thuash të përjashtuarve se komisioni nuk ka tagër, kontratën e keni me Lulzim Bashën. Lideri është lider, sillet me burrni. Mund ta kishte deklaruar të dështuar komisionin’, është shprehur Bujar Nishani gjatë fjalës së tij.
