Partizani ka lënë pas barazimin në derbi dhe e gjithë vëmendja është te ndeshja e radhës, transferta e titullit kundër Teutës.
“Demat e kuq” duhet të fitojnë medoemos që të jenë ata liderët e kampionatit dhe të kenë në dorë fatet e titullit. Edhe ditën e sotme, do të vazhdojnë përgatitjet, me skuadrën që zbret në fushë në orën 11:00. Daja ka të gjithë grupin të gatshëm, pasi si rrallëherë, nuk ka as të dëmtuar e as të pezulluar.
Megjithatë, janë shumë lojtarë që në rast se ndëshkohen kundër Teutës, mungojnë në sfidën pasardhëse ndaj Vllaznisë. Bëhet fjalë për Hakajn, Belicën, Zhunior, Asanin, Çinarin dhe Muratajn. Sa i takon vendosjes në fushë, edhe kundër Teutës Daja pritet të rreshtoje 11-shen e zakonshme, por kësaj radhe për të mos ndryshuar as skemë, siç bëri fillimisht në derbi.
