Policia e Vlorës ka arrestuar dy persona, pasi janë kapur me fara kanabisi.
Sipas njoftimit bëhet me dije se shtetasit, G. S., 37 vjeç, banues në lagjen “24 Maji”, Vlorë, dhe R. S., 19 vjeç, banues në lagjen “Uji i Ftohtë”, Vlorë, në bashkëpunim me njëri-tjetrin siguronin farat e kanabisit për t’i shitur, me qëllim kultivimin e tyre.
Ngjarja ka ndodhur ditën e djeshme në lagjen “10 Korriku”, ku në automjetin në pronësi të shtetasit R. S., që drejtohej nga shtetasi G. S., shërbimet e Policisë gjatë kontrollit kanë gjetur dhe sekuestruar 2632 fara të dyshuara narkotike cannabis sativa.
Materialet i kaluan Prokurorisë pranë Gjykatës së Shkallës së Parë Vlorë, për veprën penale “Prodhimi dhe shitja e narkotikëve”, kryer në bashkëpunim.
