Ndahet nga jeta në moshën 85-vjeçare ish-boksieri Ahmet Golemi, 5 herë kampion në vend.
Lajmin e ka bërë me dije djali i tij, nëpërmjet një postimi në FB, ku shkruan se boksieri i njohur mbylli sytë përgjithmonë mëngjesin e sotëm.
“Miq dhe dashamrës! Me hidhërim të thellë njoftoj ndarjen se sot u nda nga jeta babi im, Ahmet Golemi”, shkruan ai.
Golemi mbante titullin ‘Mjeshtër i Madh’, si një nga komentatorët më të mirë të boksit në vend. Me babanë nga Golemi dhe nënën nga Gjirokastra, ai lindi më 5 qershor të vitit 1936, në Burrel, ku edhe jetoi deri në vitin 1943, ndërsa më pas u shpërngul me familjen në kryeqytet.
Ai është i njohur po ashtu edhe si shkrimtar.
Ahmet Golemi ish-gazetar sportiv dhe ish-boksier, gjatë regjimit komunist, u dënua me 5 vite burgim për agjitacion e propagandë, pasi siç ka rrëfyer vetë, festoi një nga fitoren e Muhamed Ali. Në fillim të viteve ‘70, regjimi komunist ndaloi boksin dhe për pasojë edhe adhurimin për legjendën amerikane të boksit. Golemi u dënua me burg sepse bleu një tortë 250-lekëshe për të festuar fitoren e Ali.
https://www.youtube.com/watch?v=jTGRX2M87HE
Rrëfimi i Ahmet Golemi për jetën e tij, intervistë e vitit 2013
