Policia në Itali ka arrestuar tre shqiptarë dhe një shtetas italian, si pjesë e grupit të strukturuar kriminal që vepronte për llogari të kartelit shqiptar të drogës “Kompania Bello”.
Ky i fundit u shpërbë shtatorin e shkuar gjatë operacionit “Los Blancos”.
Tre shqiptarët, të cilët janë të moshës nga 32 deri në 47-vjeç, u arrestuan gjatë një operacioni që u zhvillua mes dhe zonës së Emilia Romagna-s, pasi u kapën me 15 kg lëndë narkotike të llojit marijuanë, raportojnë mediat në vend.
Nga hetimet u zbulua se grupi e merrte kokainën nga Holanda kurse marijuanën nga Shqipëria dhe më pas e trafikonin në Itali. Për rastin në fjalë, policia ka shpallur në kërkim edhe dy persona të tjerë në kërkim.
Karteli “Kompania Bello” u shpërbë pas një hetimi 5-vjeçar nisur më 2015, pjesë e të cilit është edhe Eldi Dizdari që u arrestua në Dubai ndërsa mbante emrin e rremë Denis Matoshi./ abcnews/
