Policia e Shtetit ka shpallur në kërkim shtetasin Mirjan Dedja, 37 vjeç, i cili dyshohet si një nga vrasësit e Everest Çakës, ngjarje e ndodhur tri netë më parë në Elbasan.
Në një lidhje me T-CH, ai vetë ka deklaruar se nuk ka lidhje me ngjarjen.
Po këshu Dedja tha se nuk ka lidhje me asnjë grup kriminal dhe se të gjithë personazhet e përfshirë në konflikt janë shokë të tij.
Mirjan Dedja u shoqërua nga policia e Elbasanit teksa po qëndronte në banesën e tij për dyshimet se mund të ishte i implikuar për vrasjen e Everest Cakës.
37-vjeçari u mbajt më tepër se 36 orë në komisariat dhe ndonëse dha deklaratë ku tregon të gjithë alibinë dhe i tregon policisë së Elbasanit të gjithë itinerarin e asaj dite për të cilën ai këmbëngul se ka kamera sigurie që vërtetojnë të gjithë agjendën e tij gjatë kësaj dite.
“Njerëzit që kanë konflikte me njëri-tjetrin nuk dua t’ia di fare se çfarë bëhet në Elbasan. Kam ardhur nga Spanja vetëm për vëllain tim sepse ka të drejtë t’i ulet dënimi me ligjin shqiptar sepse unë interesohem për familjen time. Vetëdorëzohem me kusht që të lirohem prapë”, u shpreh ai.
I riu në përfundim të më se 36 orëve u arratis nga policia e Elbasanit dhe i jep apel policisë së Shtetit, Prokurorisë dhe çdo autoriteti të drejtësisë që të angazhohen seriozisht për të zbardhur ngjarjen pasi sipas tij kishte miqësi me Everest Ibrahim Cakën dhe ka ardhur nga Spanja për të ndihmuar vëllain e tij të ekstraduar dhe anëtarët e familjes.
“E kam pasur shok Everestin dhe kaq. Më kanë mbajtur 36 orë në polici. Ia kam thënë me detaje se ku kam qenë, kam qenë tek burgu se më është ekstraduar vëllai nga Italia. I thashë kam qenë në Myslym Shyr dhe nga aty kam qenë në Elbasan, nga Elbasani në Tiranë dhe aty jam takuar me një shokun tim”, tha Mirjan Dedja në një intervistë për gazetaren Anila Hoxha për TCH.
