Identifikohet një prej viktimave të aksidentit të ndodhur këtë të Premte në Lushnjë. Ai është Xhezmi Oshafi , 68 vjeç, banues në Berat.
Policia njoftoi se rreth orës 13:20, në rrugën dytësore Kolonjë-Bubullimë, në urën e fshatit Bubullimë, automjeti tip “Toyota” ka dalë nga rruga dhe ka rënë në kanal.
Për pasojë kanë ndërruar jetë 68-vjeçari dhe një shtetase ende e paidentifikuar.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
