Pas vendimit të bashkisë, që nuk lejon të transportohen pasagjerë në rrugën e kthimit, vjen reagimi i parë nga shoferët.
Drejtuesit e furgonave dhe autoveturave taksi të Korçës, Maliqit, Devollit dhe Kolonjës protestuan kundër vendimit, duke thënë se vendimi i bashkive është në kundërshtim me ligjin për transportet.
Ata kërkojnë anulimin e vendimit, i cili i penalizon ata që janë taksapagues të rregullt.
“Jemi gjobitur, gjoba varion nga 50-250 mijë lekë të vjetra. Kemi 30 vite me këtë punë, nuk kemi hasur probleme të tilla, që prej 1 jave bashkia së bashku me punonjësit e saj po na vendosin gjoba”, thonw shoferwt.
Sipas shoferëve policia bashkiake ka ngritur postblloqe duke mos i lejuar të punojnë me të vetmen punë që çojnë të ardhura në familjet e tyre.
“Deri dje që kishin nevojë për votat, më falni për shprehjen, por na puthnin b*thën, tani nuk dalim dot që të shkojmë në shtëpi, as me gruan. Na thonë që ta bëjmë një rrugë bosh përndryshe na vënë gjobë. Ne paguajmë taksa. Mua nuk më merr njeri në punë se jam 60 vjeç. Ndalojmë me frikë se vjen bashkia”,- shprehen ata.
