Të enjten në mesnatë, Shkodra është përfshirë nga moti i keq dhe me stuhi, factor i cili ka sjellë probleme me qarkullimin në disa rrugë.
Drejtor i Ujësjellës kanalizimeve, Mark Molla, shprehet për media se që në orët e para të mëngjesit të së premtes është punuar për normalizimin e situatës dhe gjendjes së rrugëve.
Ndër të tjera ai ka bërë me dije se për shkak të shtrëngatave dhe reshjeve të breshërit janë shkatërruar shumë infrastrukturën rrugore dhe frutikulturën.
“Ishte një situatë e pazakontë, mesnatën e djeshme, Shkodra është përfshirë nga një valë shtrëngatash dhe ka bërë dëm në infrastrukturën rrugore, bahçe dhe në frutikulturë. Ne kemi dalë që në orët e para të mëngjesit për pastrimin e rrugëve dhe për larjen e rrugëve. Në orët e para të mëngjesit ka qenë e vështirë lëvizja e qytetarëve, por tashmë po punohet për të hapur të pastruar të gjithë praninë e breshërit në rrugë”, shprehet Molla.
