Borusia e Dortmundit mposhti Leipzig me rezultatin 1-4 në finalen e Kupës së Gjermanisë të zhvilluar në stadiumin “Olympiastadion”. Heronjtë e verdhezinjve në këtë përballje ishin dy talentet Sançho dhe Haaland, që realizuan dopieta personale.
Një pjesë e parë spektakolare për skuadrën e drejtuar nga Tereziç, që arriti të shënonte 3 herë. Sanço hapi serinë e golave në minutën e 5-të, teksa Haland dyfishoi shifrat në të 28-tën. Dortmundi nuk u mjaftua me epërsinë e dyfishtë, teksa talenti anglez, shënoi të tretin në minutën 45+1’.
Skuadra e Leipzig, u përpoq të rihapte sfidën me Olmo, që gjeti rrugën e rrjetës në minutën e 71-të, por vetëm kaq, pasi në të 87-të, Haaland, vulosi përfundimisht triumfin spektakolare të verdhezinjve, duke shënuar golin e katërt.
