Policia italiane ka arrestuar një 25-vjeçar shqiptar me iniciale G.E., pasi ndaj tij ishte lëshuar një urdhër ndalimi nga prokuroria për një vrasje të mbetur në tentativë.
Sipas mediave italiane, bëhet fjalë për një ngjarje të ndodhur në 2012, ku i riu shqiptar kishte hyrë në banesën e një bashkëatdhetari të tij dhe kishte tentuar ta vriste në gjumë me çekiç dhe thikë, për shkak të disa mosmarrëveshjeve që kishin më parë.
Personi, i cili mbeti i plagosur rëndë nga ky sulm arriti që të zgjohej në kohë duke reaguar, duke dalë në rrugë për të kërkuar ndihmë.
25-vjeçari shqiptar i arrestuar ndodhet në paraburgim në Saluzzo dhe rrezikon të dënohet me 8 vjet e 6 muaj burg.
