Italia ditët e fundit ka pësuar një ulje të rasteve me koronavirus. Sipas Ministrisë së Shëndetësisë gjatë 24 orëve të fundit 8 mijë persona rezultuan pozitivë me Covid-19 nga 287 mijë testime të kryera.
201 persona të tjerë humbën jetën për ta çuar bilancin total të fataliteteve që nga nisja e pandemisë në 123,745. Lajmi i mirë vjen nga spitalet ku numri i personave që kërkojnë trajtim më të specializuar, gjithashtu ka pësuar ulje.
Në spitale ndodhen 13.608 pacientë nga të cilët 1893 në terapi intensive.
