Sergio Ramos mund të jetë befasia e madhe në listën e thirrur për Kampionatin Europian që trajneri i kombëtares, Luis Enrique, do të bëjë publike më datë 20 maj.
Sipas gazetës Marca, kapiteni i Real Madrid nuk e ka vendin e sigurt në këtë listë, pasi ka luajtur vetëm pesë ndeshje me Real Madrid që nga 1 janari i këtij viti. Në total, 396 minuta e bardhë që nga viti i ri.
Ky aktivitet i pakët e bën skeptik Luis Enrique dhe burimi i lartpërmendur raporton se trajneri po konsideron seriozisht mospërfshirjen e Ramos në listë.
Mungesa e tij do të ishte një bombë e vërtetë për shkak të lidershipit dhe ndikimit në skuadër, por trajneri dëshiron t’i qëndrojë besnik filozofisë së tij për të marrë ata që janë në formë dhe Ramos nuk e plotëson këtë kusht.
