Varianti indian i virusit SarsCov2 me emrin B.1.617 po përhapet gjithnjë e më shumë në Evropë, pasi çoi në një rritje intensive të infeksioneve në Indi në 8 javët e fundit.
Raporti i fundit i botuar nga Qendra Evropiane për Kontrollin e Sëmundjeve (ECDC) bën një vlerësim. Janë identifikuar tre nëntipe të këtij variant: B.1.617.1 dhe B.1.617.2 si edhe B.1.617.3, nga të cilat dy të parët janë raportuar në Evropë.
Varianti i parë B.1.617.1 është ai që u gjet në Indi në dhjetor, që arriti kulmin në fund të arsit e më pas ra në prill.
Bazuar në sekuencat e virusit botuar në bazën e të dhënave Gisaid EpiCov është gjetur: në Indi (1147 raste), Mbretëria e Bashkuar (247raste , SHBA (137), Singapori (64), Gjermania (28), Australia (21), Danimarka (21), Bahreini (9), Japonia (9), Angola ( 8), Zvicra (8), Hong Kong (7), Irlanda (7), Portugalia (7), Belgjika (5), Luksemburgu (5), Koreja e Jugut (5), Kanada (4), Hollanda (4), Zelanda e Re (4), Suedia (4), Franca (3), Jordania (3), Republika Çeke (2), Guadalupe (2), Rusia (2), Sint Maarten (2), Spanja (2), Kamboxhia ( 1), Greqia (1), Italia (1), Malajzia (1) dhe Meksika (1).
Nëntipi B.1.617.2 është ai që tani po bëhet dominues në Indi që nga mesi i prillit dhe po përhapet me shpejtësi edhe në Evropë.
Në fakt, që nga 10 maj u zbulua në Mbretërinë e Bashkuar (676 raste), Indi (290), SHBA (192), Singapor (91), Australi (58), Gjermani (31), Japoni (20), Danimarkë ( 18), Bahrein (13), Belgjikë (12), Francë (12), Irlandë (12), Zvicër (10), Zelanda e Re (9), Itali (5), Poloni (5), Kinë (4), Spanjë (3), Suedi (3), Indonezi (2), Hollandë (2), Aruba (1), Austri (1), Kanada (1), Greqi (1), Hong Kong (1), Luksemburg (1), Norvegjia (1), Rumania (1), Sllovenia (1) dhe Koreja e Jugut (1).
Nëntipi i tretë, i zbuluar në shkurt në Indi, është akoma i rrallë. “Të dhënat pozitive – vëren virologu i Universitetit Bicocca të Milanos, Francesco Broccolo – është se nëntipi 2 i variantit iIndian, ai që po përhapet më shumë në Evropë, nuk e ka mutacionin E 484 Q, të pranishëm në dy nëntipet e tjera dhe në variantet e Afrikës së Jugut dhe Brazilit, të aftë për t’i shpëtuar antitrupave neutralizues të virusit “.
