Policia jep njoftim zyrtar lidhur me vrasjen në Elbasan. Sipas saj u vra me armë zjarri 41 -vjeçari Everest Caka dhe bashkëshortja e tij Silvana Caka, është plagosur në dorë dhe është jashtë rrezikut për jetën.
Mësohet se viktima është kushëri i Arjan Spahiut, i ekzekutuar para 6 muajsh në Belgjikë.
Spahiu ka qenë i dyshuar për vrasjen e Gëzim Alikajt, vite më parë. Arjan Spahiu, vëllai i kunatit të Erjon e Indrit Alibejt. Erjon Alibej i arrestuar si organizator i vrasjes së Renis Rugaj dhe Emiljano Ramadanit.
Indrit Alibej u ekzekutua në dhjetor 2018 tek rrethrretullimi i Bradasheshit, ku humbi jetën xhaxhai i tij, Arben Dylgjeri dhe një shtetas turk.
Njoftimi
Rreth orës 20:10, në lagjen “Skënderbe”, Elbasan, në rrethana ende të paqarta është vrarë me armë zjarri në mjet shtetasi E.Ç, rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën.
Shërbimet e Policisë kanë shkuar menjëherë në vendngjarje dhe kanë
rrethuar zonën.
Janë ngritur pika konrolli në hyrje – daljet në qytetin e Elbasanit dhe vijon kontrolli i zonës.
Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.
