Personi i parë që e dërgoi në spital, Mehmet Qemën, mbrëmjen e djeshme, ndërsa u qëllua me plumb në gjoks nga shoku i tij në një lokal në rrugën ‘5 maji’ në Tiranë, ishte E. P.
Ky i fundit ka dhënë edhe dëshminë e tij në polici. Sipas tij, autori, tashmë i ndaluar, Marius Dema, ia kishte drejtuar disa herë pistoletën, viktimës.
Më tej ai shton se nuk e ka parë momentin kur 27-vjecari, është qëlluar, pasi ka qenë në ambientet e lokalit kur ka degjuar një të shtënë.
Pas këtij momenti ai shton se kur doli ka parë Qemën që ishte duke u përpëlitur dhe ka humbur shumë gjak.
Përpara hetuesve, E.P shton se në këtë moment ai ka marrë viktimën në krah, edhe pse nuk është ndihmuar nga asnjë personat që ishin prezent dhe e ka transportuar atë në spital.
Sipas tij ai nuk është ndihmuar nga personat e tjerë për shkak se ata kanë qenë të tramautizuar, ku shton se dhe vetë ai ishte në gjëndje të rëndë psikologjike, dhe mjetin me të cilin transportoi viktimën e braktisi përball spitalit të burgut dhe u largua nga spitali.
E. P, tashmë është arrestuar dhe ndaj tij është ngritur akuza e moskallëzimit të krimit.
