Deputeti Lefter Maliqi i është drejtuar me një apel shqiptarëve për të larguar sot Edi Ramën, që e cilëson diktator, pasi nesër do jetë vonë.
“Ose të ngrihemi, ose të pranojmë diktaturen; ose revolucion demokratik, ose të pranojmë masakrën elektorale; ose protesta masive, ose të pranojme sundimin e krimit, oligarkëve, bandave dhe mafies qeveritare”, shkruan Maliqi.
Në vijim ai thekson se uragani popullor duhet të vërshojë të marrë përpara makinerinë e miliona eurove që blen votat, dinjitetin, të ardhmen e shqiptareve, ose të heshtim para krimit, korrupsionit, kapjes së institucioneve.
“Mos bli, mos merr shërbim nga asnjë kompani që ndihmon në instalimin e diktaturës, bojkoto bizneset e oligarkëve. Ose liri e demokraci, ose nënshtrim. Koha nuk pret! Reago, ngrihu, ose hesht e ik!”, shkruan Maliqi.
