Nëntë persona kanë humbur jetën gjatë të shtënave në një shkollë në qytetin rus Kazan. Mediat ruse raportojnë se bëhet fjalë për tetë fëmijë dhe një mësues, të cilët kanë mbetur të vrarë.
Për këtë ngjarje kishte raporte kontradiktore në lidhje me situatën, me disa agjenci ruse të lajmeve raportuan se ishin përfshirë dy adoleshentë të armatosur dhe të tjerët thanë se një ishte i përfshirë.
RIA informoi se një person i armatosur ishte ndaluar. Media raportoi se një shpërthim ishte dëgjuar në shkollë, por nuk ishte menjëherë e qartë se cili ishte motivi i sulmit.
Pamjet video të shpërndara në mediat sociale treguan automjete të shërbimit të urgjencës të parkuara jashtë shkollës, me njerëz që vraponin drejt ndërtesës. Videot e tjera tregonin xhama të thyer me mbeturina jashtë.