Në tregun e këmbimit valutor vendas, euro ka zbritur sot në nivelin më të ulët të këtij viti.
Sipas kursit zyrtar të Bankës së Shqipërisë, një euro u këmbye të hënën me 122.92 lekë, nga 123.01 lekë që ishte në fundjavë, ose 0.09 lekë më pak.
Ky është niveli më i ulët euros i këtij viti dhe në kuota të ngjashme me fundin e vitit të kaluar përpara festave të fundvitit.
Aktorët e tregut shprehen se, gjallërimi i turizmit në vend, ka rritur ofertën e euros në treg, tendencë që pritet të vij në rritje me hyrjen graduale në pikun e sezonit veror.
Ndërkohë që i nënçmuar këmbehet sot edhe dollari amerikan.
Monedha e gjelbër amerikane këmbehet me 101.1 lekë, nga 101.89 që ishte një ditë më parë ose 0.79 lekë më pak, duke u këmbyer në nivelet më të ulëta që nga fillimi i janarit të këtij viti.
Ndërsa paundi britanik dhe franga zvicerane forcuan pozitat respektivisht me 0.66 lekë dhe 0.02 lekë dhe këmbehen me 142,42 lekë dhe 112.26 lekë.
