Arianeta Mula, e re ja e cila ishte pjesë e grupit të të rinjve ka rrëfyer se si ndodhi incidenti në pyjet e Zubin Potokut në veri të Kosovës.
Mula shkruan se të shtënat erdhën nga persona që ishin vetëm 5 metra përballë tyre, dhe asaj iu duk sikur ishtenë luftë.
Ajo thotë se përshtypja që iu dha grupit nga të shtënat e vazhdueshme ishte se personat në fjalë po vinin pas tyre.
Më tej e reja tregon se grupi u largua, ndërkohë që janë sulmuar edhe nga serbë të tjerë në këtë rrugëtim.
“Të shtënat e zjarrit nga dy persona që ishin vec 5 metra përballë nesh ne sekondat e pare me ngjallen ndjenjën e luftës, pastaj e brengosur për të tjerët dhe vazhdimi pa u ndal me plumba na dha bindjen që po vinin pas nesh. U larguam shpejtë duke u kthyer nga kishim ardhur. Deri në atë pikë ku u sulmuam kishim realizuar 3,5 km të ecjes apo gjysma e ecjes së planifikuar duke kaluar dy fshatra. Deri në fshatin e fundit në drejtim të majës Shijak i Bubës, na u dha ndihmë për shtegun nga një banor serb i cili na mirëpriti duke përshëndetur të gjithë, pas disa minutash u sulmuam nga serbë te tjerë”, ka thënë ajo.
