Një tjetër rast tronditës është regjistruar në kryeqytet pas ngjarjes së rëndë në Korçë, ku një 40-vjeçar vari dy fëmijët e mitur e më pas veten.
Një 50-vjeçare ka vendosur t’i japë fund jetës, duke u vetëvarur me shall brenda në bodrumin e banesës.
Ngjarja ka ndodhur mbrëmjen e djeshme në rrugën e “Qelqit” në Tiranë. 50-vjeçarja Q.Xhaferaj u gjet e vetëvarur në bodrumin e banesës ku jetonte, nga familjarët e saj.
Mësohet se gruaja vuante prej kohësh nga depresioni, çka dyshohet se e ka çuar atë drejt këtij veprimi të rëndë.
Sakaq, policia e mbërritur në vendngjarje ka nisur hetimet për zbardhjen e plotë të rrethanave.
