Kryetari i Partisë Agrare Ambientaliste, Agron Duka ka dhënë mesazhin e rëndësishëm në ditën e Europës, duke thënë se është jo vetëm ëndrra por edhe destinacioni ynë kombëtar.
Ai u shpreh se ky prioritet strategjik i kombit shqiptar nuk i përket vetëm një individi apo partie dhe atë nuk mund ta përmbushë vetëm një individ apo parti.
“Në fjalimin e tij historik një prej baballarëve themelues të BE-së, ish ministri i jashtëm francez Robert Schuman qartësoi në 9 Maj 1950 se Europa e Bashkuar nuk do të ndërtohet menjëherë, as sipas një plani të vetëm.
Ajo do të ndërtohet nëpërmjet solidaritetit midis vendeve anëtare, solidaritet që duhet të krijohet nga sukseset. Për këtë vizion ka nevojë sot më shumë se kurrë edhe politika shqiptare.
Gëzuar ditën e Europës së Bashkuar, këtij projekti vizionar dhe të suksesshëm që largoi konfliktet dhe luftrat dhe prodhoi paqe dhe mirëqënie mbi gërmadhat e nacionalizmave të sëmurë”, ka shkruar Duka.
