Një aksident është regjistruar ditën e sotme te Ura me Harqe në Milot, ku ka mbetur viktimë Fitor Ollomani, drejtor i zyrës Arsimore në Kukës.
Ngjarja ka ndodhur në mëngjes, teksa mësohet se 35-vjeçari, po udhëtonte së bashku me bashkëshorten në drejtim të Tiranës, pasi kjo e fundit me profesion mësuese kishte sot testin e kualifikimit në matematikë.
Por gjatë rrugës, burrë e grua janë përballur me një përplasje fatale me një mjet tjetër, duke humbur kështu jetën 35-vjeçari. Ndërsa bashkëhsortja e tij është dërguar për mjekim më të specializuar drejt spitalit të Traumës në Tiranë.