Policia e Shkodrës ka finalizuar operacionin policor të koduar “Gracka”, në kuadër të të cilit ranë në pranga 2 persona.
Sipas njoftimit të policisë, këta shtetas posedonin 4000 fara të dyshuara cannabis sativa, me qëllim kultivimin e tyre.
Në kuadër të këtij operacioni, u bë arrestimi në flagrancë i:
- Zhelko Sekuliq 29 vjeç, banues në Boriç i Vogël, Malësi e Madhe;
- Albert Lami 34 vjeç, banues në lagjen “Salo Halili”, Shkoddër.
Ata akuzohen se në bashkëpunim me njëri-tjetrin siguronin farat e kanabisit, me qëllim kultivimin e tyre në zonat e thella të Dukagjinit.
Në automjetin me të cilin udhëtonin, që drejtohej pa leje drejtimi nga shtetasi Sekuliq, i cili nuk iu bind urdhrit të punonëjsit të Policisë për të ndaluar dhe tentoi të largohej me forcë, shërbimet e Policisë gjatë kontrollit gjetën dhe sekuestruan 4000 fara të dyshuara narkotike cannabis sativa.
Gjithashtu u sekuestruan edhe 3 aparate celular dhe automjeti.
Materialet procedurale i kaluan për ndjekje të mëtejshme Prokurorise Shkodër, për veprat penale “Prodhimi dhe shitja e narkotikëve”, “Mosbindja ndaj urdhrit të punonjësit të policisë së rendit publik”, “Drejtimi i automjeteve në mënyrë të parregullt” dhe “Pastrimi i produktit të veprës penale ose veprimtarive kriminale”, në ngarkim të Zhelko Sekuliq, ndërsa në ngarkim të Albert Lamit u referuan materialet për veprat penale ’’Prodhimi dhe shitja e narkotikëve” dhe “Pastrimi i produktit të veprës penale ose veprimtarive kriminale”, njoftoi policia.
