Gramoz Vokrri, djali i legjendës, Fadil Vokrri ka zbuluar se Xherdan Shaqiri ishte shumë afër kalimit te përfaqësuesja e Kosovës, para disa vitesh. Ai ka zbuluar se deri në momentet e fundit, para vendimit të UEFA-s, Shaqiri, ishte në mëdyshje për të ardhmen e tij, për sa i përket ekipit kombëtar që do të përfaqësonte.
Gjithccka ka dështuar sipas Gramozit, për shkak se nuk kishte një vendim të prerë të FIFA-s, nëse Xherdani mund t’i bashkohej apo jo “Dardanëve”.
“Xherdan Shaqiri deri në momentin e fundit, deri një ditë para vendimit të UEFA, ka qenë shumë afër për t’iu bashkuar Kosovës. Ai nuk u bashkua, sepse nuk kishim siguri nga organet e FIFA-s se a do të pranohet kërkesa e tij apo jo, nuk kishte një vendim të formës së prerë.
Rrezikonte të humbte shumë gjëra, jo vetëm vendin. Prap unë e çmoj lartë lobimin që e kanë bërë Xherdan Shaqiri, Granit Xhaka, Valon Behrami dhe të tjerët, pasi nuk janë vetëm këta, por janë rastet më të bujshme – sepse janë emra të mëdhenj të futbollit”, tha Gramoz Vokrri./panoramasport
