Kukësi-Vllaznia është sfida hapëse e javës së 32-të të Kategorisë Superiore, takim që luhet në “Elbasan Arena”.
Elita e futbollit shqiptar është në garën finale me skuadrat që ndahen nga pak pikë në kreun e renditjes por edhe fundin e saj.
Të besuarit e Mirel Josës do duhet të kthehen te suksesi pas tre humbjeve radhazi, ndërsa përballë do të kenë ekipin e Vllaznisë, që gjendet tre pikë larg nga kreu i klasifikimit.
Asnjë skuadër nuk e dëshiron hapin fals, me verilindorët që janë në “valle” për mbijetesën. Ky duel I hap rrugën sfidave të tjera të Superligës që luhen nesër në dy orare.
