Një ngjare e rëndë raportohet nga mediat italiane ditën e sotme.
Sipas informacioneve të raportuara, një i ri shqiptar 34-vjeç, emri i të cilit ende nuk është bërë i ditur humb jetën për shkak të overdozës.
Ngjarja ka ndodhur në Itali, ku 34-vjecari, ndodhej në një banesë së bashku me një mikun e tij, kur gjatë orëve të vona të së enjtes u ndje keq dhe humbi ndjenjat.
Pavarësisht ndërhyrjes së menjëhershme të emergjencës, shqiptari gjeti vdekjen në vendin e ngjarjes.
Miku i tij, po ashtu përdorues i drogës u ndje gjithashtu keq. Ai u dërgua në spital dhe është jashtë rrezikut për jetën.
Ndërkohë kanë nisur hetimet nga karabinierët për të zbuluar prejardhjen e drogës.
Nga të dhënat e para dyshohet se të rinjtë po konsumonin drogë sintetike.
