E ftuar në rubrikën “Intervistë” në emisionin “Thumb” nga gazetaret Aulona dhe Fatma ka qenë deputetja Monika Kryemadhi.
Zonja Kryemadhi ka treguar se fëmijët e saj, Bora, Era, Besar, janë të privuar nga shumë gjëra dhe vetë ajo u ka vënë caqe.
Madje deputetja tregon se fëmijët e saj janë rritur në një ambient komod që jo të gjithë e kanë, por pavarësisht kësaj ata janë edhe të privuar nga shumë gjëra.
“Një ndër caqet kryesore për të është edhe mënyra se si i shpenzojnë lekët. Kuota e tyre është 2 mijë lekë (të vjetra) në ditë, të marrin një ujë, të hanë një gjë kur janë në shkollë”,- ka rrëfyer Monika Kryemadhi.
Gjithashtu, përveç kësaj, ajo ka treguar se fëmijët ia tregojnë asaj sekretet e tyre përpara babait të tyre, Ilir Metës, pavarësisht kësaj Monika është e rreptë kur bëhet fjalë për shkollën e tyre.
Madje ajo tregon se bën debat me bashkëshortin sepse ai u thotë të mos mësojnë shumë, mos të lodhen.
