Gjykata Kushtetuese detyron Kuvendin që brenda 6 muajve të ndryshojë nenin 262 të Kodit Penal që lidhet me protestat. Kuvendi vendosi që për tubime duhej më parë të merrej leja e institucioneve.
Tubimet e paligjshme quheshin kundravajtje penale dhe dënoheshin me gjobë deri në 2 vite burg.
Por, me vendimin e Kushtetueses, askush që kërkon të protestojë nuk duhet të marrë leje më parë nga institucionet.
Gjykata Kushtetuese njofton se të Martën mori në shqyrtim kërkesën me kërkues Gjykatën e Apelit Shkodër dhe vendosi pranimin e saj.
Vendimi është përfundimtar dhe hyn në fuqi 6 muaj pas botimit në Fletoren Zyrtare, sqaron Gjykata Kushtetuese.
