Presidenti, Ilir Meta, ka përkujtuar me anë të një statusi në FB, 5 Majin, Ditën e Dëshmorëve të Atdheut.
Sot, thotë Presidenti, është dita e Qemal Stafës dhe e mijëra të rinjve dhe të rejave, që dhanë jetën për Lirinë e Shqipërisë.
“Lavdi e përjetshme, nderim, respekt dhe mirënjohjen më të thellë Dëshmorëve të paharruar të Atdheut, të çdo epoke”, shkruan Meta.
Dita e Dëshmorëve u vendos të jetë 5 Maji 1942, dita kur u vra nga fashistët, Qemal Stafa, i ri komunist aktivist i luftës Nacional Çlirimtare. Me veprimtarinë e tij ai u kthye në simbol të Luftës Antifashiste Nacionalçlirimtare.
Në nderim të kujtimit të të rënëve për lirinë e vendit çdo vit, në Varrezat e Dëshmorëve, kryhen homazhe nga krerët më të lartë të shtetit shqiptar.
