Zinedin Zidane doli sot para medieve dhe foli për ndeshjen e nesërme gjysmëfinale ndaj Chelsea. Gaetarët e përkufizuan si mrekulli ardhjen e Real deri në këtë fazë, por Zidane nuk ishte dakord.
“Nuk është aspak mrekulli të jesh këtu. Është krejt e kundërta. Ne kemi ardhur me meritë, falë punës sonë sepse mrekullitë në futboll nuk ekzistojnë.
Ramos? Nesër do të shohim se çfarë bëjmë. Ai është me ne dhe kjo do të thotë se është mirë dhe kjo është gjëja më e rëndësishme. Nuk do rrezikojmë asgjë me të.
Hazard është rikthyer dhe po kalon momente të mira. Mendoj se ai është plotësisht gati dhe ne do të kemi nevojë për të dhe ai me siguri do të ndihmojë ekipin. Kjo është e sigurt.
Duhet të luajmë ndeshjen tonë dhe mbi të gjitha të jemi të ftohtë për 90 minuta ose më shumë. Nuk luajmë çdo ditë në gjysmëfinale të Champions League.
Ne kemi parë të gjitha ndeshjet e Chelseat, por kjo është e padobishme sepse nesër është një betejë ndryshe. Kemi pasur shumë vështirësi për të arritur këtu dhe duhet të na hiqni kapelën.
Për mua, Real Madrid ka lojtarët më të mirë dhe ata gjithmonë e kanë treguar atë. Ne jemi aty ku duam dhe është e merituar”, u shpreh Zinedin Zidane.
