Policia italiane ka arrestuar një shtetas shqiptar, 31-vjeç, emri i të cilit nuk bëhet i ditur, pasi ky i fundit nuk kishte një vendbanim fiks në Itali dhe leje qëndrimi të rregullt.
Pas kontrollit të shenjave të gishtave, rezultoi se 31-vjeçari, ishte në kërkim nga Prokuroria e Forlisë, pasi është dënuar për një numër krimesh, midis tyre shfrytëzim prostitucioni, vjedhje në apartament, mbajtje e paligjshme armësh.
Tashmë 31-vjeçari gjendet në burgun e Pratos, nga ku duhet të kryejë 3 vjet e 6 muaj burg pasi është shpallur fajtor për akuzat e ngritura kundër tij.
