Kuvendi rimblidhet sot në orën 10:00 për herë të parë pas zgjedhjeve të 25 prillit.
Konferenca e Kryetarëve ditën e djeshme vendosi zhvillimin e seancave plenare në datat, 4 Maj, 6 Maj, 13 Maj dhe 20 Maj 2021.
Çështja që pritet të diskutojë Kuvendi është ajo e shkarkimit të Presidentit të Republikës, Ilir Meta, i cili akuzohet nga mazhoranca se ka shkelur Kushtetutën me deklaratat e bëra gjatë fushatës zgjedhore.
Në këto seanca të fundit Kuvendi do të mblidhet me deputetët aktual ku shumica prej tyre do të largohen nga parlamenti, ndërsa 140 deputetët e dalë nga zgjedhjet e 25 Prillit do të betohen në shtator.
