Partizani do të luajë në orën 18:00 ndaj Apolonisë në shtëpi. Një ndeshje e lehtë në letër për të kuqtë që sfidojnë vendin e fundit të Superligës dhe me një fitore mund të ngjiten në krye edhe pse do të presin për të mësuar rezultatin që do të vijë nga Shkodra.
Trajneri Ilir Daja nuk do të ndryshojë formacion dhe do të hedhë në fushë formacionin fitues dhe lojtarët më të mirë në dispozicion.
I vetmi ndryshim do të jetë rikthimi i portierit Alban Hoxha. Kapiteni ka lënë pas dëmtimin dhe tashmë është gati të zbresë nga minuta e parë.
Formacioni i mundshëm: Hoxha, Mala, Bitri, Belica, Hakaj, Broja, Bardhi, Murataj, Asani, Çinari, Stenio Junior.
