Gjykata e Posaçme rrëzon kërkesën e SPAK, për konfiskimin e pasurisë së Altin Hajrit, “Golden resort”.
Sipas GJKKO, pasuria s´duhet të konfiskohet dhe s´duhet ti kaloj shtetit.
Golden Resort ishte pasuria e parë e sekuestruar nga OFL. Kjo e fundit vendosi sekuestro pasi Hajrat, u dyshuan për rrëmbimin dhe ekzekutimin e Jan Prengës, por ende kjo akuzë nuk është vërtetuar ndaj tyre.
Hetimi i SPAK për mosjustifikimin e pasurisë nuk ka bindur GJKKO dhe e ka rrëzuar konfiskimin.
Aktualisht “Golden” resort është nën menaxhimin e agjensisë së aseteve te sekuestruara.
Në 20 maj do të jetë seanca në apelin në GJKKO, ku prokuroria e Posaçme ankimoi vendimin e shkallës së parë.
