Vdekja e gruas në Fier mbetet ende e dyshimtë deri në një hetim të policisë e prokurorisë.
Kjo, pasi fqinjët e familjes Ruko kanë thënë se Lilianën e ka hedhur i shoqi nga dritarja e banjës.
“I shoqi e shtyu me këmbë nga dritarja e banjës, ndërsa ajo tentoi të mbahej. Ne nuk dimë të kenë pasur probleme”- ka thënë fqinja që ka parë ngjarjen.
40-vjeçarja është dërguar menjëherë në spital, por nuk ka mundur t’i mbijetojë plagëve të marra dhe ka ndërruar jetë rrugës.
Policia ka shoqëruar si të dyshuar bashkëshortin e gruas 40 vjeçare, F.R i cili do të merret në pyetje. Mësohet se çifti sapo ishte kthyer nga Gjermania ku kishin qene per azil.
Ngjarja e rëndë ndodhi pasditen e sotme në lagjen “Kryengritja e Fierit” ndërsa fillimisht u tha se ishte vetëvrasje.
