Mbi gjysma e francezëve mbështesin paralajmërimin e gjeneralëve se Franca po ”shpërbëhet” dhe po rrëshqet me shpejtësi drejt Luftës Civile.
Një paralajmërim nga gjeneralët në pension se Franca po “shpërbëhet” dhe rrezikon luftën civile, teksa islamistët shkëpusin pjesë të kombit është larg nga një pikëpamje në zgrip. Në fakt, një sondazh i ri tregon se 58% e francezëve mbështesin “thirrjen për nder”.
Megjithëse kryeministri Jean Castex dënoi letrën ndaj Presidentit Emmanuel Macron këtë javë dhe nënshkruesit tani përballen me sanksione disiplinore, sondazhi i LCI TV i kryer nga Harris Interactive sugjeron që francezët janë me 20 gjeneralët në pension. Sipas sondazhit, i cili u raportua nga revista Valeurs Actuelles, 73% ishin dakord me vlerësimin se vendi është “duke u shpërbërë”, dhe 84% ranë dakord që dhuna po rritet në shoqërinë franceze, raporton RT.
“Koha nuk pret”, thuhej në letër. “Franca është në rrezik”. Ish-gjeneralët i kërkuan Macron-it dhe udhëheqësve të tjerë të ‘gjenin guximin e nevojshëm për të zhdukur këto rreziqe’, duke paralajmëruar se përndryshe, “lufta civile mund t’i japë fund kaosit në rritje”. Nënshkruesit shtuan se Macron do të ishte përgjegjës për mijëra vdekje nëse shtynte zvarritjen e zgjidhjes së problemit.
Letra u botua nga Valeurs Actuelles në 21 Prill, që ndodhi të ishte 60 vjetori i një grushti të dështuar ushtarak. Kryetarja e partisë nacionaliste ‘Rally National, Marine Le Pen, një kandidate në zgjedhjet presidenciale të Francës 2022, ra dakord me ‘thirrjen për nder’, duke thënë se patriotët kanë për detyrë të luftojnë për ‘shpëtimin e vendit’.
Sondazhi zbuloi se 58% e të anketuarve “mbështesin fjalët e ushtarakëve”, ndërsa 49% besojnë se ushtria duhet të ndërhyjë, edhe pa një kërkesë të qeverisë, për të rivendosur rendin kur është e nevojshme, të tilla si gjatë trazirave të Jelekëve të Verdhë. Rreth 74% e pjesëmarrësve ranë dakord se nismat e supozuara anti-racizëm po japin efektin e kundërt, duke sulmuar simbolet e Francës dhe duke krijuar më shumë ndarje në shoqëri.
Vetëm një e treta e të anketuarve thanë që gjeneralët dhe të tjerët që nënshkruan letrën duhet të ndëshkohen. Por kjo është ajo ku qeveria me sa duket po shkon me veprimet e saj teksa administrata e Macron po kundërpërgjigjet kundër paralajmërimit të zymtë.
Shefi i Shtabit të forcave të armatosura, Gjenerali Francois Lecointre, thuhet se tha të enjten se 18 ushtarakë në detyrë aktive të cilët u identifikuan si nënshkrues të letrës do të përballen me sanksione të mundshme disiplinore përpara një gjykate të lartë ushtarake.
Që nga viti 2015, sulmet terroriste kanë vrarë më shumë se 260 persona dhe kanë plagosur më shumë se 900 në Francë. Viktima e fundit ishte një punonjës policie 49-vjeçar, i cili u ther me thikë në hyrjen e stacionit të policisë Rambouillet të premten e kaluar.
Përtej incidenteve të profilit të lartë terrorist, islamistët kanë krijuar geto ku qytetarët vendas francezë janë një pakicë dhe policia thuhet se ka frikë të shkelë. Në sondazhin e LCI, 86% e të anketuarve thanë se ligjet e vendit nuk zbatohen në disa qytete.
