Nuk mund të kishte një hap fals për herë të tretë për Milanin.
Kuqezinjtë pas dy humbjeve rigjejnë fitoren ndaj Beneventos dhe kthehen për momentin në vendin e dytë në renditje por më e rëndësishmja mbeten në lojë për një vend në Champions League.
Sfida ndaj ekipit që drejtohet nga ish sulmuesi kuqezi, Inzaghi përfundoi 2-0 teksa goli i shpejtë i Çalhanoglu që në minutën e 8′ ishte si çlirim për Milanin.
Me Zlatan në fushë të rikthyer, kuqezinjtë kanë më shumë siguri dhe kjo u duk edhe në lojën e dominuar e cila u mbyll përfundimisht në minutën e 60′ me golin e Theo Hernandez.
Tani Milani pret rezultatet e rivalëve, Atalanta, Napoli, Juve të cilët të gjithë bashkë po luftojnë për tre vende të Champions League.
